Мэдээ мэдээлэл

Авлигатай тэмцэхэд иргэд хэрхэн оролцох, ямар үүрэгтэйг ярьж таниулан, төрийн албан тушаалтны хөрөнгө, орлогын мэдүүлэг гэж юу вэ, иргэд хэрхэн танилцаж, хяналт тавих боломжтой талаар мэдээлэл өгөв.
Сүхбаатар /МОНЦАМЭ/. Өнөөдөр аймгийн Онцгой комисс хуралдаж, хэд хэдэн асуудлыг хэлэлцлээ. Сүхбаатар аймагт үүсээд байгаа онцгой нөхцөл байдал болох караокед гарсан гал түймрийн осолд өртсөн хүмүүс болон тэдний ар гэрийнхэнд дэмжлэг үзүүлэх ажлыг аймаг орон нутгийн зүгээс үзүүлэх ёстой гэх саналыг гаргаж, онцгой комиссын гишүүд 100 хувь дэмжлээ. Гал түймэрт өртсөн 17 хүн ГССҮТ-д хэвтэн эмчлүүлж байгаа бөгөөд ес нь сэхээний, найм нь энгийн тасагт хэвтэж байна. 10 дугаар сарын 16-ны өглөөний мэдээгээр хоёр хүний биеийн байдал хүнд, бусад хүний биеийн байдал хуучин түвшиндээ байна. Сэхээний тасагт байгаа өвчтөнүүд бүгд хагалгаанд орох заалттай гэх мэдээллийг эрүүл мэндийн байгууллагаас өглөө. Эдгээр хүмүүст туслах хандивын ажлыг ТББ, хувь хүмүүс, албан газрууд хэдийнэ эхлүүлсэн. Тиймээс төр захиргааны байгууллагаас ч мөн давхар дэмжлэг үзүүлэх нь зөв гэсэн саналыг онцгой комиссын гишүүд гаргаж бүгд дэмжлээ. Үүнийг ойрын хугацаанд ажил хэрэг болгох хэрэгтэйг ч аймгийн засаг дарга Ж.Эрдэнэбаатар хэллээ. Улмаар энэхүү ажлыг аймгийн ЗДТГ-ын Нийгмийн бодлогын хэлтсийн дарга Г.Мөнхзаяаг удирдан зохион байгуулахыг үүрэг болгов.
Сүхбаатар аймгийн Засаг даргын Тамгын газар нь аймгийн төрийн захиргааны байгууллагаас хэрэгжүүлж байгаа бодлого, үйл ажиллагаа, үйлчилгээний чанар, хүртээмжийн талаар хэрэглэгчийн үнэлгээг хийлгэх тул сонирхсон этгээдийг мэдүүлгээ ирүүлэхийг урьж байна.
Ахмадын баярыг тохиолдуулан аймгийн ЗДТГ, Баруун-Урт сумын ЗДТГ, ХХҮГазар, Аймгийн ахмадын хороо хамтран БУ сумын ахмад настангуудад баяр хүргэж, гарын бэлэг гардууллаа. Зарим ахмадуудыг төрийн дээд шагнал болоод сум орон нутгийн шагналаар шагнасан байна. Ахмад настны тухай хууль шинэчлэгдэн хэрэгжиж эхэлсэнтэй холбогдуулан төр засгаас ахмад настанд үзүүлэх халамж, төрийн үйлчилгээ жил ирэх тусам нэмэгдэж байна. Энэ удаад аймгийн төвийн 1503 өндөр настанд ХХҮГ-аас ахмадын баярыг тохиолдуулан гарын бэлэг гардуулсан юм. 2019 онд 4078 ахмад настанг 208,2 сая төгрөг хүнсний талонд хамруулж, 2509 өндөр настанд 391,7 сая төгрөгийн “Насны хишиг” мөнгөн тэтгэмжийг төрөөс олгоод байгааг мэдээллээ.
Сүхбаатар аймгийн Халзан сумын уугуул Монгол Улсын зургаа дахь Ерөнхий сайд, төр нийгмийн нэрт зүтгэлтэн Цэнгэлтийн Жигжиджавын мэндэлсний 125 жилийн ойг тохиолдуулан Халзан суманд түүний хөшөөг заллаа. Аймгийн төвд шинэ хүрэл хөшөө сүндэрлэн босч, хуучин хөшөөг нь уугуул нутаг Халзан сумын ЗДТГ-ын үүдэнд байрлууллаа. Хүндэтгэл ёслолын арга хэмжээнд МУ-ын ерөнхий сайд У.Хүрэлсүх тэргүүтэй УИХ-ын гишүүд, аймаг орон нутгийн удирдлагууд оролцлоо. Сүхбаатар аймгийн Халзан сум бол эрдэмтэн мэргэд, алдартан гавьяатнуудаар улсад дээгүүрт ордог сумдын нэг юм. Нэг сумаас хоёр ч МУ-ын ерөнхий сайд төрөн гарсан түүх байхгүй гэдгийг хүмүүс онцолж байлаа. У.Хүрэлсүх сайдыг нутагтаа хүрэлцэн ирсэнд олон түмэн халуун дотно хүлээн авч, баяр хүргэн угтсан юм. Ерөнхий сайд сумын соёлын төвийн хамт олонд 4.5 сая төгрөгийн үнэ бүхий тоног төхөөрөмж гардууллаа. Цэнгэлтийн Жигжиджавын мэндэлсний 125 жилийн ойг “Жигжиджав сан” хамтран зохион байгуулж байгаа бөгөөд сумын ЕБС-ийг МУ-ын ерөнхий сайд Цэнгэлтийн Жигжиджавын нэрэмжит болгож, гаднах хаяг, самбарыг сургуулийн захиралд албан ёсоор гардууллаа. Тус суманд шинэ соёлын төв баригдаж байгаа. Энэ оны 10-р сард ашиглалтанд оруулна гэдгийг гүйцэтгэгч компанийн хүмүүс нь танилцуулсан байна.
Монгол Улсын Ерөнхий сайд У.Хүрэлсүх Онгон сумын, сум дундын эмнэлэгт яаралтай түргэн тусламжийн дуудлагад ашиглах пургон машиныг хүлээлгэн өглөө. Автомашины түлхүүрийг сум дундын эмнэлгийн ерөнхий эмч Б.Батбилэг, жолооч У.Мөнхжаргал нарт гардуулсан юм. Ерөнхий сайд У.Хүрэлсүх түргэний жолоочид тусгайлан баяр хүргэж, ажлын амжилт хүсээд өврөөсөө атга чихэр гаргаж өгсөн нь олны сэтгэлийг татсан үйл явдал болов. Манай эмнэлэг тойргийнхоо дөрвөн сумын хүн амд эрүүл мэндийн тусламж үйлчилгээг үзүүлдэг, 40 орчим эмч, эмнэлгийн байгууллатын ажилтантай. Тэр ч утгаараа алсын дуудлага их гардаг. Хуучин машины хувьд 2013 онд авсан, зургаан жил ашигласан машин бий. Яваа их учир машины элэгдэл маш их гардаг. Одоогоор машины мотор нь муудаж, зөвхөн сум дотроо болон ойрын зайнд ашиглаж байсан. Энэ өвлийг давж чадахгүй, яана даа гэсэн айдас бид бүхэнд байлаа. Харин асуудлыг шийдэж шинэ машин олгосон Ерөнхий сайд У.Хүрэлсүх болон аймаг орон нутгийнхаа удирдлагуудад маш их баярлаж байна. Ингэснээр ганцхан манай Онгон сум төдийгүй тойргийнхоо дөрвөн сумын ард иргэдэд эрүүл мэндийн тусламж үйлчилгээг түргэн шуураай, цаг алдалгүй үзүүлэх боломж бүрдлээ хэмээн Онгон сумын, сум дундын эмнэлгийн ерөнхий эмч Б.Батбилэг хэллээ.
Тус өдөрлөгийг Сүхбаатар аймгийн ЗДТГ, БНХАУ-ын Замын-Үүд дэх Консулын газартай хамтран хийжээ. Өдөрлөгийн үеэр хоёр орны найрсаг хамтын ажиллагааны тухай нээлттэй хурал, ЕБС-ийн сурагчдын дунд зарласан Монгол-Хятадын найрсаг харилцаа сэдэвт гар зураг, эсээ бичлэгийн уралдааны шилдгээр шалгарсан сурагчдад шагнал гардуулах, баярын тоглолт зэрэг үйл явдал болсон юм. Сурагчдын ирүүлсэн бүтээлээс харахад Монголын хүүхдүүд Хятад орны тухай илүү мэдэхийг хүсч байна. Мөн Хятад- Монгол хоёр улсын найрсаг харилцаа Хятад улсын тухай өөрийн гэсэн ойлголтыг илэрхийлсэн байна. Энэ нь цаашид Хятад-Монгол улсын сайн хөршийн хамтын ажиллагааг улам хөгжүүлэх талаар бидэнд урам хайрлаж байгаад баяртай байна. Мөн цаашид хоёр улсын хоорондын соёл, боловсролын салбар хоорондын энэ харилцаа солилцоог улам бэхжүүлж хөгжүүлэхийг бид эрмэлзэж байна гэдгийг БНХАУ-ын Замын-Үүд дэх Ерөнхий консул Цай Венруй хэллээ. ЕБС-ийн сурагчдын дунд Монгол-Хятадын найрсаг харилцаа сэдэвт уралдаанд гар зургийн 590 гаруй бүтээл, 140 гаруй эсээ ирж, тусгай шүүгчид хоёр өдрийн турш ажиллан шилдгүүдийг шалгаруулжээ. Мөн энэ найрсаг харилцааны хүрээнд тус аймгийн арван оюутанд тус бүр нэг сая төгрөгийн буцалтгүй тусламж, 20 сурагчид сурах хэрэгцээнд нь 500 мянган төгрөгийн дэмжлэг үзүүлсэн байна. Ингэхдээ үнэлгээний голч дүн нь 3.0-аас дээш үнэлгээтэй байхаас гадна соёл урлаг болон бусад оролцооны байгууллагад идэвхтэй байдаг энэ хүүхдүүдийг сонгожээ. Энэ өдрийн эхэнд БНХАУ-ын Ерөнхий консул аймгийн Засаг даргатай ажлын уулзалт хийж, найрсаг харилцааны хүрээнд энэ харилцааг цаашид авч явах хүүхэд багачуудыг сурч боловсроход нь дэмжлэг үзүүлэх, ялангуяа боловсрол нийгмийн салбарт харилцан хамтран ажиллаж, томоохон төсөл арга хэмжээнүүдийг зохион байгуулахаа илэрхийлсэн. Мөн ирэх сарын дундуур аймгийн удирдлагууд болон зохих түвшний хүмүүс БНХАУ-д айлчилж илүү өргөн хүрээнд хэрхэн ажиллах талаар нухацтай ярилцана гэсэн шийдвэрийг гаргалаа. Тухайлбал нийгэм соёлын хүрээнд томоохон үйл ажиллагаануудыг шат дараатай хийж хэрэгжүүлнэ гэж Ерөнхий консул аймгийн Засаг даргад талархалтайгаар илэрхийлсэн гэж аймгийн ЗДТГ-ын Нийгмийн бодлогын хэлтсийн дарга Г.Мөнхзаяа хэлэв.
Үзэсгэлэн худалдааг 9 дүгээр сарын 27, 28- ний өдрүүдэд Баруун-Урт сумын төвд зохион байгуулагдлаа. Нийт 13 сумын 100 гаруй малчид, үйлдвэрлэл, үйлчилгээ эрхлэгчид оролцож, нийт 70,0 сая төгрөгийн борлуулалт хийсэн байна. Аж ахуй нэгжийн иргэдийн үйлдвэрлэсэн бүтээгдэхүүн үйлчилгээг 10 номинациар шалгаруулж, 1- р байр цом, өргөмжлөлөөр шагнаж урамшуулав. Орон нутгийн брэнд шилдэг бүтээгдэхүүн- Мөнххаан сум Б.Оюунгэрэл –хүнсний ногоо даршилсан бүтээгдэхүүнээр -Шилдэг өрхийн үйлдвэрлэгч- Онгон сум –Ш.Оюун – Сүү, сүүн бүтээгдэхүүнээр -Шилдэг үйлдвэрлэгч хоршоо- Асгат сум –“Өлзийт цагаан овоо” хоршоо МАА-н тоног хэрэглэлээр -Шилдэг гурилан бүтээгдэхүүн үйлдвэрлэгч- Баруун-Урт сум Оргил бэйкери цех – гурилан бүтээгдэхүүнээр -Шилдэг сүү, сүүн бүтээгдэхүүн үйлдвэрлэгч – Халзан сум –“Шүүт малчны бүлэг”- сүү, сүүн бүтээгдэхүүнээр -Шилдэг тариаланч –Сүхбаатар сум “Жавхлант шарга хан” хоршоо-төмс хүнсний ногоогоор -Шилдэг импортыг орлох бүтээгдэхүүн үйлдвэрлэгч- Мөнххаан сум –М.Төмөртогоо- адууны арьсан гутлаар -Шилдэг оёмол бүтээглэхүүн- Түмэнцогт сум- Э.Сансармаа оёмол бүтээгдэхүүнээр
Сүхбаатар аймгийн Халзан сумын уугуул Монгол Улсын зургаа дахь Ерөнхий сайд, төр нийгмийн нэрт зүтгэлтэн Цэнгэлтийн Жигжиджавын мэндэлсний 125 жилийн ой тохиож байна. Ойн хүндэтгэлийн үйл ажиллагаанд Монгол Улсын Ерөнхий сайд У.Хүрэлсүх оролцож, түүний гэгээн дурсгалд зориулан босгосон гэрэлт хөшөөг нээн сүндэрлүүллээ. Энэхүү гэрэлт хөшөөг Монгол Улсын Ерөнхий сайд У.Хүрэлсүхийн санаачилгаар Монгол Улсын Засгийн газар, аймгийн ЗДТГ-ын дэмжлэгтэйгээр бүтээн босгосон юм.
Эмнэлгийн нээлтэнд Монгол Улсын Ерөнхий сайд У.Хүрэлсүх оролцон, орон нутгийн төсвөөр улсын хэмжээний бүтээн байгуулалтыг хийж чадсанд тусгайлан баяр хүргэлээ.Тэрээр нээлтийн үгэндээ, Улс орны эдийн засгийн нөхцөл байдал сэргэж, аймаг орон нутгуудад хийх хөрөнгө оруулалтын хэмжээ нэмэгдсэн.
Нийт: 371